Мөслим командасы - Түбән Новгородта

11-15 февраль көннәрендә Түбән Новгород шәһәрендә 2007нче елгы егетләр арасында мини-футбол буенча Идел буе Федераль округының финал ярышлары булып узды. Бу ярышларда Татарстан данын "Яшьлек" спорткомплексының "Мирас" футбол командасы яклады. Команда составында Г.Тукай исемендәге Мөслим урта мәктәбендә укучылары шөгыльләнә. Ярышларда 14 команда арасында (6 республика, 8 өлкә командалары) мөслимлеләр лаеклы чыгыш ясады һәм IV урынны яуладылар.  Әфәрин егетләр! Команданың тренеры - Илфат Хафизов. Бүген спортчылар Татарстан кубогы ярышларына әзерләнә.

Фото - "Мөслим-информ" архивыннан