Үзегез сатып алмасагыз да...
– Туганнар балабызга электрон уенчык бүләк итте. Уенчыкның чегы һәм документлары бар. Күпмедер вакыттан соң уенчык ватылды. Әмма аның гарантия вакыты әле гамәлдә. Уенчыкны үзебез сатып алмасак та, сатучыга дәгъва белән мөрәҗәгать итә алабызмы?
Әлеге сорауга ТР Дәүләт алкоголь инспекциясе Түбән Кама территориаль бүлеге өлкән белгече Алена Виноградова җавап бирә:
– “Кулланучыларның хокукларын яклау турында”гы закон нигезендә кулланучы ул – товарларны (эшләрне, хезмәтләрне) эшмәкәрлек эшчәнлеге белән бәйле булмаган шәхси, гаилә һәм башка ихтыяҗлар өчен заказ бирергә яисә сатып алырга теләүче яки заказ бирүче, сатып алучы яисә файдаланучы. Шуңа күрә товарны сатып алуны һәм сатучының гарантия бурычларын раслаучы тиешле документлары булган очракта сез дәгъва белән (товарны алыштыру, ремонтлау яисә сату-алу килешүен гамәлдән чыгару турында) мәрәҗәгать итәргә хокуклы.
Фото-Pixabay.com
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев