1 октябрьгә кадәр федераль ташламаларга социаль хезмәтләр җыелмасын алу ысулын билгеләргә кирәк

1 сентябрь мәгълүматларына караганда  Мөслим районында айлык акчалата түләүне 1977 кеше ала.
Социаль хезмәтләр җыелмасын алу формасын -  натураль яки акчалата сайларга мөмкин. Натураль форма комплектны турыдан-туры социаль хезмәтләр рәвешендә бирүне күздә тота, акчалата эквивалент тулысынча яки өлешчә түләнә.
Социаль хезмәтләр җыелмасы түбәндәгеләрне үз эченә ала:
• инвалид балалар өчен дарулар, медицина продуктлары һәм дәвалау ризыклары;
• төп авыруларны профилактикалау өчен шифаханә-курорт дәвалануына юллама;
• шәһәр яны тимер юл транспортында яки шәһәрара транспортында дәвалану урынына һәм кирегә бушлай йөрү.
Социаль пакет җыелмасы натураль формада бирелә. Радиация тәэсире астында булган гражданнарга  баштан ук акчалата эквивалентта бирелә.
Бөтен җыелманы яки аның бер өлешен акча белән алу өчен 1 октябрьгә кадәр Россиянең социаль фондына тиешле гариза бирергә кирәк. Моны социаль Фонд сайтында яки дәүләт хезмәтләре порталында Шәхси кабинет аша, шулай ук СФР яки КФЦНЫҢ теләсә кайсы клиент хезмәтендә эшләргә мөмкин.
Әгәр элек натураль формадагы социаль хезмәтләр алудан баш тарту турында гариза бирелгән булса, гражданин үз карарын үзгәрткәнче яңа гариза таләп ителми, мәсәлән, НСУ, бер яки ике социаль хезмәтне натураль рәвештә алуны яңадан башларга карар иткәнче, җыелма акча белән түләнәчәк.
Агымдагы елның 1 октябренә кадәр яңа гариза биргәндә, сайланган шартларны исәпкә алып, социаль пакет җыелмасы 2024 елның 1 гыйнварыннан бирелә башлаячак.