Витаминнар эчегез

Табиблар Д витаминын профилактик кабул итүне ел фасылына карамастан дәвам итәргә киңәш бирә. “Д витамины җитмәгәндә йөрәк-кан тамырлары, автоиммун, онкология авырулары, икенче типтагы шикәр диабеты, йогышлы патология үсеше куркынычы арта. Балалар да, өлкәннәр дә бу төр витаминны табиб билгеләгән дозада кабул итәргә тиеш. Грипп чорында нинди витаминнар куллану кирәклеген бары табиб кына билгели ала. Соңгы араларда, көннәрнең кинәт салкынайтып җибәрүе сәбәпле, бума ютәл белән, томаулап ашыгыч ярдәм сорап мөрәҗәгать итүчеләр саны артты”, – ди бүлек фельдшеры Гөлфирә Камалова.

"Д" витаминының төп чыганаклары булып түбәндәге продуктлар тора: сыр, эремчек, сөт, май, сыер бавыры, йомырка сарысы, Балык (сельдь, лосось, треска), балык мае, гөмбә, петрушка, кызыл икра.

Фото - "Мөслим-информ" архивыннан