Табибларга ихтыяҗ зур

Мөслимгә эш визиты белән ТР сәламәтлек саклау министры Мар- сель Миңнуллин килде. Ул район хастаханәсендәге компьютер томографиясе кабинетын ачуда катнашты, район хастаханәсе һәм поликлиника эшчәнлеге белән танышты.

– Мөслимдә компьютер томографиясе кабинеты эшләү – зур сөенеч. “Сәламәтлек саклау” илкүләм милли проектының “Сәламәтлек саклауның беренчел звеносын модернизацияләү” программасы кысаларында сатып алынган җиһаз халыкка озак еллар хезмәт итсен иде! – диде ТР сәламәтлек саклау министры Марсель Миңнуллин.
Томограф урнашкан бүлмәдә таләпләргә туры китереп капиталь ремонт ясалган. Кабинетны төзекләндерүдә “Чаллы икмәге” АҖ җитәкчесе Рафаэль Юнысов һәм “Август-агро” идарәче компаниясе җитәкчесе Айдар Гәләветдинов финанс ярдәме күрсәткән.

Тулырак: "Авыл утлары" газетасының 2023 ел, 26 май санында

Лилия Шәймиева

Лилия Шәймиева фотосы