Сәламәтлекне кайгыртып

Бүген Татарстанда гына түгел, Мөслимдә дә вакцина ясату югары темплар белән бара. "Район поликлиникасына җитәрлек күләмдә “Гам Ковид Вак” ике компонентлы вакцина кайтты", дип хәбәр итә баш табиб Дамир Сөләйманов. Аны 21 көн аралыгы белән ике тапкыр ясатырга була. Прививканы назаль – борынга сиптерә торган ысул белән дә кабатларга була. Үз сәламәтлеге турында кайгырткан 19489 өлкән кеше (шуларның 4753е – 60 яшьтән узганнар) ковидка каршы вакцина ясаткан. Балалар өчен чыгарылган  “Гам Ковид Вак -М” ны 60 балага кадаганнар. Вакцина ясату һәр кешенең үз иркендә, ләкин бүгенге вәзгыятьтә сәламәтлек беренче урында булырга тиеш!

 Фото ru.freepik.com