Диплом белән кайттылар

"Тукай бизәкләре" Мөслим балалар сәнгать мәктәбенең хореография коллективы 2023 елның 8 июлендә ТР Әлки районы Сиктермә авылында узган "Уяв-2023" Республика чуваш мәдәнияте бәйрәмендә катнашты. Коллектив «Ача-пача вӑйа кӑарти» балалар мәйданчыгында чыгыш ясады. Балаларның матур, ачык төстәге  костюмнары һәм дәртле чуваш биюе  жюриның игътибарын җәлеп итте һәм  алар 1 дәрәҗә лауреат дипломына лаек булдылар.
Шулай ук коллектив "Уяв-2023" бәйрәменең төп сәхнәсендә чыгыш ясау бәхетенә ия булды. 
Коллективны һәм җитәкчеләрне Ольга Нуруллинаны, Булат Солтановны иҗади җиңүләре белән котлыйбыз, - дип хәбәр итәләр сәнгать мәктәбеннән. 

Фото - сәнгать мәктәбе архивыннан