Машина йөртә алмаячак

– Минем, гомумән, эчкәнем юк, хәтта бәйрәмнәрдә дә. Чир эләкмәсен дип витаминнар кулланам. Хатыным дару үләннәре эчертә. ДАИ инспекторлары туктаткан көнне кибеттән кайта идем, – диде ул күзен дә йоммыйча.
ДАИ инспекторлары тәкъдиме белән алкотестерга өргәннән соң, Сабировның канында алкоголь промиле күләменең рөхсәт ителгәннән ике мәртәбә артык булуы ачыкланган. Судта тәкъдим ителгән видеоязмада Сабировның аякларында көчкә торуы, агрессивлыгы күзгә ташлана.
– Алкотестерга өргәннән соң да, алкоголь куллануын инкарь иткән шоферларны район хастаханәсенең ашыгыч ярдәм бүлегенә алып барабыз. Сабиров вакытны сузу өчен, әллә нинди уйдырмалар сөйләп, хастаханәгә баруны кичектерде. Тик кан анализлары да Сабировның алкоголь куллануын раслады, – ди районның ДАИ җитәкчесе Феликс Мәгъданов.
Сабиров кылган гамәленә үкенүен белдермәде. Алкотестер һәм кан анализы нәтиҗәләренә, шулай ук видеоязмада теркәлгәннәргә нигезләнеп, Сабировка административ җинаять кылганы өчен 30 мең сум штраф һәм 1 ел да 7 айга транспорт белән идарә итү хокукыннан мәхрүм ителү җәзасы билгеләнде.
Суд барышында Сабировның шундый ук җинаять кылганы өчен биш ел элек тә җәзага тартылганы билгеле булды. 
 

Лилия Шәймиева фотосы