Омтылыш тудыра белик

2024 ел Россиядә Гаилә елы дип игълан ителде. Бу – гаиләдәге мөнәсәбәтләр, балалар тәрбиясе турында тагын бер тапкыр сөйләшеп алырга сәбәп. Ә үзара мөнәбәтләрне көйли белү җиңел түгел. Газетабызда “Психолог киңәше” дигән яңа рубрикага старт бирәбез. Рубрикада районыбызда эшләүче психологлар бала тәрбияләүдә киңәшләрен бирәчәк.

Кеше үз тормышында берничә четерекле мизгел кичерә. Шуларның берсе – мәктәптә укый башлау. Соңгы елларда мәктәп укучыларның укуга мөнәсәбәте борчу уятырлык дәрәҗәдә үзгәрде. Бу нәрсәгә бәйле: өйдәге үзара мөнәсәбәтләргәме, әллә белем алуга уңай караш тәрбияләмәүгәме?

Статистиканы, сораштыруларны карасак, бала яхшы билге алып кайтса, күпчелек әти-әниләр аны мактый, начар билге өчен ачуланалар икән. Шул сәбәпле барлык баланың да диярлек кәефе төшә, ул үз эченә бикләнергә мөмкин. Шулай да аларның күбесе хатасын төзәтергә әзер. Сораштыруда катнашучыларның өчтән бер өлешен хаталары өчен телевизор, компьютер, телефон куллануны чикләү юлы белән “җәзалыйлар”, шул ук вакытта зур күпчелеккә әти-әнисе булышырга әзер. Бары тик 5 процент әти-әни генә баласына ярдәм итүдән баш тарта, өй эшләрен үзләренә эшләргә куша. 

Баланың өйдә дәрес әзерләвен, мөстәкыйль эшчәнлеген оештыруны ата-ана үз өстенә алырга һәм дөрес оештырырга тиеш дип саный Г.Тукай исемендәге Мөслим урта мәктәбенең педагог-психологы Ләйсән Хәлиуллина.

Ләйсән Хәлиуллинаның шәхси архивыннан.

Тулырак "Авыл утлары" газетасының  2024 ел 19 гыйнвар санында укыгыз.