Китаплар рухи азык бирә

Клара Фатыйхова, сәламәтлек саклау ветераны:

Кечкенәдән китаплар укырга яратам. Укуга мәхәббәт тәрбияләүдә 45 елдан артык укытучы булып эшләгән әниемнең роле зур булгандыр. Безнең гаиләдә китаплар бик күп иде. Без 5 баланың һәрберсе укырга яратты. Китап сату айлыгында күпләп яңа китаплар ала идек. 

Тормышка карашымны үзгәрткән китап. Николай Островскийның “Как закалялась сталь” романын бик яратып укыдым. Бу китап тормышта нык булырга, авыр вакытларда сынмаска, сыгылмаска, яшәргә көч табарга өйрәтә.

Һөнәр сайларга Габдрахман Әпсәләмовның “Ак чәчәкләр” романы ярдәм итте. Кешеләргә ярдәм итәсем, аларны авыртуларсыз яшәтәсем килде. Сугышны башыннан ахырына кадәр үткән, берничә тапкыр яраланып, терелеп, янәдән фронтка киткән әтиебез дә госпитальләр, табиблар турында еш сөйли иде. 

Римма Афзалова фотосы.

Тулырак «Авыл утлары» газетасының 2024 ел 26 апрель санында укыгыз.