Нәниләр дә белә

Г.Тукайның тормыш юлы һәм иҗаты белән балалар кече яшьтән үк таныша башлый. Балалар бакчаларында әлеге юнәлештә төрле проектлар да эшли. 
– Бакчабызда Тукай иҗатына зур игътибар бирелә. 2017 елдан башлап “Тукай безнең күңелләрдә” проектын тормышка ашырабыз, – ди “Күбәләк” балалар бакчасы тәрбиячесе Илүзә Авзалова.
Чарага кунак булып килгән Су анасы балаларны уйнатты. Балалар да бәйрәмгә бик җаваплы әзерләнгән: “Гали белән Кәҗә”, “Бала белән Күбәләк” әкиятләрен сәхнәләштерде, шигырьләр укыды, җырлады. Соңыннан барысы бергә “Туган тел” җырын башкарды.

Рәмилә Сәләмова фотосы.