Урлашырга булган!

Мөслим районы прокуратурасы 51 яшьлек мөслимлегә карата җинаять эше буенча гаепләү актын раслады. Ул РФ Җинаятьләр кодексының 158 матдәсе 2 өлешенең “б” пунктында каралган җинаять кылуда гаепләнә (бинага законсыз үтеп керү юлы белән милек урлау).

Тикшерү версиясе буенча, гаепләнүче 2023нче елның 8 февралендә төнлә Иске Карамалы кибетеннән әйбер урлау нияте белән корыч арматура эзләп таба.

– Спиртлы эчемлек кулланган хәлдә ул, медицина битлеге, перчаткалар киеп, кибет янына килә һәм арматура белән ишекнең асылмалы йозагын ватып, бинага үтә. Гаепләнүче гомуми суммасы 1 913,08 сумлык товар урлый. Урланган милекне үзе теләгәнчә куллана, – ди район прокуроры урынбасары Линар Әскаров.

Тикшерү барышында эш фигуранты гаебен тулысынча таныды, кылганнарына үкенүен белдерде һәм зыянны тулысынча каплады. 

Фото - "Татар-информ" архивыннан