Урлашкан өчен

Суд аны РФ Җинаятьләр кодексының 158 маддәсендәге 3 бүлекнең “г” пунктында каралган җинаять кылуда гаепле дип тапты – әлеге зат, банктагы исәп-хисап счеты аша чит милекне урлаган, шул рәвешле икенче кешегә зыян салган.

Судта билгеләнгәнчә, 2022нче елның 1 ноябрендә 10.00 сәгать тирәсендә гаепләнүче банк картасын таба. Әлеге карта белән ул төрле кибетләрдән әйберләр алып, карта хуҗасына матди зыян сала. Гаепләнүче гаебен тулысынча таныды, үкенүен белдерде һәм зыянны каплады, дип хәбәр итәләр район прокуратурасыннан. Суд, дәүләт гаепләүчесе фикерен исәпкә алып, гаепләнүчегә 10 мең сум штраф рәвешендә җәза билгеләде.

Фото - Татар-информ архивыннан