Бурычларыңны түлә дә, тынычлап йокла

– Ренат Шәүкәтович, 2023 ел эчендә районда җыелган бурычлар күпме?

– Агымдагы елның җиде аенда 1342 башкарма производство тормышка ашырылды һәм шул исәптән райондашларыбыздан 41 миллион 402 мең сум бурычлар җыелды

. – Күп кеше чит илгә сәяхәткә барырга ярата. Көзге чорда ничә райондашыбыз чит илгә чыга алмаячак?

– Җиде ай эчендә Мөслим районында яшәүчеләрнең чит илләргә чыгуын вакытлыча чикләү турында 2543 карар чыгарылды.

 – Кайсы очракта бурычлы чит илгә чыга алмый?

– Алимент, мөлкәти һәм мораль зыян буенча бурычлы гражданнарга төзелгән башкарма производство суммасы 10 мең сумнан артып китсә, гражданин чит илгә чыга алмаячак.
 – Ренат Шәүкәтович, бурычны түләтү буенча тагын нинди чаралар кулланыла?

– 17 мөслимленең транспорт белән идарә итү хокукы чикләнде, аларның барысы да – алиментлар буенча бурычлылар. Социаль әһәмияттәге эшләр арасында балалар хокукларын тәэмин итү белән бәйле башкарма производстволар аерым урын алып тора. Быел җиде ай эчендә бурычлылардан 1 489 680,68 сумлык бурыч җыелды.Тагын бер мөһим мәсьәлә – хезмәт хакы буенча бурычларны түләтү.  Район суд приставлары тарафыннан кабул ителгән чаралар нәтиҗәсендә эш бирүчеләрдән 605,5 мең сум бурыч түләтелгән.

– Мөлкәт белән бәйле эшләр саны күпме?

– 2023 елның җиде аенда район суд приставлары тарафыннан 4 миллион 245 мең сумлык 77 мөлкәт арестланды. Транспорт чараларын, шулай ук бурычлыларга караган күчемсез милекне теркәү буенча гамәлләр үткәрүне тыю турында 1624 карар чыгарылды.

Тагын бер яңалык – ясалма интеллект. Полина исемле бот гражданнар белән аралаша башлады. Бурычны түләргә мөмкин булган реквизитларны да Полинадан сорарга мөмкин.

Фото - суд приставлары хезмәте архивыннан

Тулырак "Авыл утлары" газетасының 2023 ел, 15 сентябрь санында