Җәй – төзүчеләрнең дә урак өсте

“Күпфатирлы йортларны төзекләндерү” республика программасы кысаларында өч йортта ремонт эшләре башкарылды. Быел ремонт кергән йортлар: Кооператив урамындагы 227нче һәм 239А йортлары, Тукай урамындагы 40нчы йорт. Кооператив урамындагы йортларда фасад ремонты үткәрелде, Тукай урамындагы йортта түбә төзекләндерелде.  “Яшьлек” спорткомплексында ел саен яңа өлеш ясала, яңа мөмкинлекләр барлыкка килә. Быел төзелеш эшләренең дүртенче чираты бара. Биредә тротуар ясала. Алга таба шугалак, өч волейбол мәйданчыгы һәм машиналар кую өчен парковка эшләнәчәк»,- диде район Башкарма комитеты җитәкчесенең инфраструктур үсеш буенча урынбасары Дамир Мөхәмәтдинов. 

Фото – Мөслим муниципаль порталыннан