Районда “Каршы як полоса” профилактик операциясе бара

8 июльдән 17 июльгә кадәр республикада “Каршы як полоса” профилактик операциясе бара. “Чараның максаты – каршы як полосага чыгу сәбәпле юл-транспорт һәлакәтләрен кисәтү. Операция кысаларында ДАИ хезмәткәрләре машина йөртүчеләр белән каршы як полосага чыгуның нәтиҗәләре турында әңгәмәләр үткәрә. Закон буенча каршы як полосага чыккан өчен хокук бозучыга 5000 сум штраф яки дүрт-алты айга машина йөртү таныклыгыннан мәхрүм итү каралган. Кагыйдәне кабат бозганда машина йөртүчеләр 1 елга кадәр таныклыктан мәхрүм ителергә мөмкин”, – ди районның ДАИ җитәкчесе Феликс Мәгъданов.

Фото – Татар-информ архивыннан