“Каршы як полоса” операциясе старт алды

 Әлеге чара тиешсез урында транспорт чарасын куып узып китү сәбәпле килеп чыккан юл һәлакәтләрен кисәтү, булдырмау максатында үткәрелә. “Алдагы машинаны уза башлаганчы, машина йөртүче маневрның куркынычсызлыгына һәм юл хәрәкәтендә катнашучыларга комачаулык булмавына инанырга тиеш. “Узып китү тыела” дигән юл билгеләре гамәлдә булган зонада, “Тоташ линия” тамгасы булганда, куркыныч борылышларда һәм башка төр куркыныч урыннарда узып китү тыела. Профилактик чара 9 июльгә кадәр дәвам итәчәк”, – ди районның ДАИ инспекторы Илнар Гыйздуллин.

Фото "Мөслим-информ" архивыннан