Янгынга каршы катгый режим кертелә

17 апрельдән Татарстанда янгынга каршы катгый режим кертелә. Ул 10 майга кадәр дәвам итәчәк. Бу чорда коры үлән һәм чүп-чар яндыру, ачык утта – мангалларда ризык әзерләү тыела. Махсус режим гамәлдә булган чорда янгын куркынычсызлыгы таләпләрен бозган өчен административ җаваплылык каралган. “Физик затларга штраф күләме – 20 мең сум, вазыйфадагы затларга – 60 мең сум, юридик затларга 800 мең сум штраф түләргә туры киләчәк”, – ди Мөслим һәм Сарман районнары буенча янгын күзәтчелеге бүлеге инспекторы Вильям Тайбактин.
 

Фото "Мөслим-информ" архивыннан