Балаларны контрольдә тотыгыз!

Балалар һәм яшьүсмерләрнең интернет аша комарлы уеннарга керү фактлары ачыкланды. Бәйрәм ялларында 2008 елгы бер райондашыбыз социаль челтәрдә теркәлеп, банк картасында булган барлык акчасыннан колак каккан. “Әти-әниләр балаларына банк карталары алып биреп, шушындый азартлы уеннарга керү мөмкинлеге тудыра. Уяулыкны югалтмыйча, балаларны контрольдә тоту мөһим. Закон нигезендә, банк картасын икенче кешегә сатарга ярамый. 16 яшьлек ике райондашыбызга банк карталарын башка кешеләргә сатып җибәргәннәре өчен “мошенниклык факты” буенча җинаять эше кузгатылды.

Фото - "Татар-информ" архивыннан