Йолдызнамә (24-30 июнь)

Кучкар (21 март-20 апрель)

Ялгыз Кучкарлар җитди булмаган мөнәсәбәтләр белән мавыгачак. Сәламәтлеккә ныграк игътибар бирегез. Кайбер Кучкарлар теш табибына баруны кичектереп килә, озакка сузмагыз, апрель тешләрне дәвалау өчен иң кулай вакыт.

Үгезбозау (21 апрель-20 май)

Бу көннәрдә эш икенче планга калыр. Беренче урында сәламәтлек булырга тиеш. Айлар буе җыелып килгән арыганлык үзен сиздерергә мөмкин. Үзегезгә берничә көн ял оештырып алыгыз. Табигатькә чыгып керү, китап уку, дуслар белән кинога бару – болар барысы да тормыш мәшәкатьләреннән бераз гына арындырыр.

Игезәкләр (21 май-21 июнь)

Бик кызыклы, тынгысыз көннәр көтә сезне. Көндез эшкә чумып, кичен кәеф-сафа корып йөрсәгез дә, көчегез ташып торачак. Тормышның һәр минутыннан тәм табып яшәргә тырышыгыз, бер генә секундыгызны да әрәм итмәгез.

Кысла (22 июнь-22 июль)

Мәхәббәт фронтында - идиллия, тынычлык һәм гармония. Сөеклегез белән бер-берегезне сүзсез дә аңлап, саклап яшәрсез. Әлегә үз тиңе белән кавышмаганнар бу елда, һичшиксез, гомерлек ярларын очратып, бәхетле гомер кичерәчәк. 

Арыслан (23 июль-23 август)

Әлегә сезнең яшәү рәвеше тәгәрмәч эчендә йөгереп йөрүче тиенне хәтерләтә. Сезнең тын алырга да вакытыгыз булмаска мөмкин. Иң беренче чиратта якын арада акча китерә торган эшләргә алыныгыз. Сез өлгерә алмаган проектларны хезмәттәшләрегез эләктерергә генә тора. Шуңа да бар көчегезне карьера төзүгә багышлагыз.

Кыз (24 август-23 сентябрь)

Начар гадәтләр белән гомерлеккә хушлашып, спорт белән шөгыльләнә башлагыз.

Үлчәү (24 сентябрь-23 октябрь)

Бөтен игътибарны гаиләгезгә багышлагыз. Тормышның һәр өлкәсендә уңыш елмаячак. Сездән бераз түземлек, тырышлык кына сорала. Кемдер ярдәм тәкъдим итә икән, баш тартмагыз, аның язмыш бүләге булуы бар.
 

Чаян (24 октябрь-22 ноябрь)

Һөнәрен алыштырырга теләүчеләргә нәкъ вакыты. Дусларыгыз белән сәяхәткә чыгыгыз.

Укчы (23 ноябрь-21 декабрь)

Иң беренче чиратта гаилә мәшәкатьләрен хәл итәргә тырышыгыз.Хезмәттәшләрегез белән сүзгә килүегез ихтимал.

Кәҗәмөгез (22 декабрь-20 гыйнвар)

Көнләшү араны бозарга мөмкин. Моңа юл куймаска кирәк. Кешеләр белән аралашу,кунаклар чакыру өчен уңай вакыт.

Сукояр (21 гыйнвар-18 февраль)

Бу айда сезгә хезмәттәшләрегез арасындагы авторитетыгызны ныгыту белән шөгыльләнергә кирәк. Уңыш артыгыздан калмый, ияреп йөри сыман тоелса да, сак булу комачауламас.

Балык (19 февраль - 20 март )

Эшегезне алыштырырга ашыкмагыз. Мәхәббәт өлкәсендә үзгәрешләр күзәтелмәс.
Сәламәтлеккә игътибар бирегез, баш авыртулар борчырга мөмкин.

Фото– Рixabay.com