Җиңүче оешмалар билгеле булды.ФОТОРЕПОРТАЖ

Якшәмбе көнне спортчылар йөзү һәм канат тарту буенча көч сынашты. Йөзү эстафетасында 1 урынга район эчке эшләр бүлеге командасы чыкты.2 урында – газ участок командасы, өченче урында – Мөслим гимназиясе.

Канат тарту уены да бик үзенчәлекле барды. Елдагыча, әлеге уенда гимназиялеләргә тиңнәр булмады. Иң көчле егетләр гимназия командасына тупланган, диярсең. Бу көнне барлык уеннарга нәтиҗә дә ясалды, оешма-предприятиеләр арасында XXIX кышкы спартакиада уеннарының җиңучеләре ачыкланды.

Район эчке эшләр бүлеге командасына беренче урынны алды. Мөслим гимназиясе икенче урынга лаек булды. Район Советы һәм Башкарма комитеты өченче урында калды. 4 урын – район үзәк хастаханә коллективында. Жиңүче командаларга 30, 25, 20, 15 меңлек сертификатлар, Мактау кәгазьләре һәм кубоклар белән бирелде.