Хәрбиләр янына бардылар

20 ноябрь көнне Казанда хәрби өйрәнүләр үтүче райондашларыбыз янына аларның якыннары барды.

Район аппараты җитәкчесе Ренат Гарипов һәм яшьләр белән эшләү бүлеге җитәкчсе Илшат Яббаров мобилизацияләнгән райондашларыбызга алар сораган 47 өстәмә җиһазланыш комплекты тапшырды. Тактик разгрузка, перчатка, рация – болар барсы да райондашларыбыз ярдәмендә алынды.

“Ярдәм янәшә! - Помощь рядом” Республика хәрәкәтенә кушылып, ир-егетләребезнең соравына битараф калмыйча ярдәм кулы сузган һәр кешегә, эшмәкәргә рәхмәтлебез", - диләр чараны оештыручылар.

Бергә һәм бердәм булганда, без көчле!