Террорга каршы комиссия утырышы узды

Район хакимиятенең актлар залында Мөслим муниципаль районының террорга каршы комиссиясенең утырышы узды. Утырыш эшендә комиссия членнары һәм чакырылган вәкилләр катнашты. Авыл җирлекләре башлыклары видеоэлемтә режимында утырыш барышын карадылар. Утырышны комиссия рәисе Альберт Хуҗин алып барды. Чарада Яңа ел бәйрәмнәре чорында террорчылык актларын булдырмау буенча башкарылачак чаралар хакында чыгышлар тыңланды. Шулай ук, районда миграция эшенең торышы, авыл җирлекләре территорияләрендә терроризм һәм экстремизмга каршы үткәрелүче чаралар, террорга каршы комиссиянең эш нәтиҗәләре хакында да сүз алып барылды.

Фәридә Гайнетдинова фотолары