Мөслим-информ

Республиканың иң тәмле кош теле пешерүчеләре Мөслимдә укый

27-28 февраль көннәрендә Казанда күренекле ашчы Юныс Әхмәтҗанов исемендәге татар милли аш-су осталыгы бәйгесе узды. Гомере буена татар халык ашларын таныткан аш-су остасы хөрмәтенә багышланган бәйгедә ашчы һөнәренә укучы студентлар һәм көллият укучылары катнашты. Республикабызның төрле районнарыннан килгән урта һәм югары профессиональ белем бирү йортларыннан 25 конкурсант көч сынашты. Аларга...

27-28 февраль көннәрендә Казанда күренекле ашчы Юныс Әхмәтҗанов исемендәге татар милли аш-су осталыгы бәйгесе узды. Гомере буена татар халык ашларын таныткан аш-су остасы хөрмәтенә багышланган бәйгедә ашчы һөнәренә укучы студентлар һәм көллият укучылары катнашты. Республикабызның төрле районнарыннан килгән урта һәм югары профессиональ белем бирү йортларыннан 25 конкурсант көч сынашты. Аларга татар халкының ризыкларын әзерләргә туры килде: камыр җәеп, нәзек итеп токмач кисәргә, ромб рәвешендә куллама кисәргә, бәрәнге һәм суган турап, матур итеп итле өчпочмак ясарга һәм кош телен чәчәк рәвешендә әзерләп, майда пешерергә. Сарман аграр көллиятенең Мөслимдәге филиалының II курс укучысы Ирина Хәйретдинова, остазлары Мөнирә Бәдртдинова өйрәткән осталыкларын тулысынча күрсәтеп, "кош теле" номинациясендә I дәрәҗә дипломга лаек булды. -Конкурста катнашу миңа бик ошады. Кош теле пешерү номинациясендә ярышуыма куандым. Чөнки практика вакытында кош телен күп пешерергә туры килде. Конкурста 25 укучы арасында Казаннан, Түбән Камадан, Актаныштан һәм бик күп районнардан катнашучылар бар иде. Минем бик зур рәхмәт сүзләрен остазларыбыз Мөнирә Фаиловна, Зилия Шарипяновна, Лилия Гилмегалиевналарга. Икенче, өченче урыннар алган Яр Чаллы, Казан укучыларын узып беренче урынга чыга алуыма аларның өлешләре бик зур, - ди Ирина. "Шушындый Республика күләм конкурсларда катнашу безгә тәҗрибә тупларга мөмкинлек бирә. Башка көллият остазларының һөнәрләрен өйрәнү үзебезгә дә зур стимул бирә",- ди аграр көллият директоры Рәшит Кирамов. Көллият шундый дәрәҗәдә оста итеп пешерергә өйрәнергә теләүчеләрне яңа уку елыннан укырга чакыра.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: