Районыбыз игенчеләре 2018 ел уңышына нигез салуны уңышлы төгәлләделәр

 Бодай, арпа, солы, карабодай кебек культуралар белән бергә 1900 гектарда борчак, 1100 гектарда бөртек өчен кукуруза чәчелде. Техник культуралар 12200 гектарны тәшкил итә. Шуның 4800 гектарында шикәр чөгендере, 2200 гектарында көнбагыш, 3900 гектарында рапс һәм 820 гектарында җитен орлыгы җир куенына иңдерелде. Чәчүлекләргә һәр гектарга тәэсир итүче матдәдә 70 кг исәбеннән ашлама кертелде һәм бүгенге көндә дә тукландыру эше дәвам итә. Бүген механизаторлар чәчүлекләрне чүп үләннәре, корткыч бөҗәкләр һәм төрле авыруларга каршы  тәрбияләү буенча нәтиҗәле эш алып баралар. Тамырдан һәм яфрактан тукландыруга зур игътибар бирелә. Шул ук вакытта  хуҗалыклар терлек азыгы әзерләү техникасын һәм аларны саклау урыннарын төзекләндерү буенча  да нәтиҗәле эшлиләр.