Эчке эшләр бүлегендә – тантаналы чара

Чарада муниципаль район башлыгы Рамил Муллин, район прокуроры Данис Әхмәтҗанов, район ветераннар Советы рәисе Илгиз Низамов катнашты. Чараны эчке эшләр бүлеге җитәкчесе Раил Гатауллин алып барды. Ул үз чыгышында моңа кадәр бүлекне җитәкләгән Наил Бәдретдиновка рәхмәтләрен җиткерде һәм истәлек бүләге тапшырды. Район башлыгы Рамил Муллин да Наил Әхтәм улына тырыш хезмәте һәм уртак бурычларны хәл итүдә куйган хезмәте өчен рәхмәтен белдерде. Шулай ук, эчке эшләр органнарында озак еллар намуслы хезмәте өчен ТР “Хокук саклауны ныгытудагы хезмәте” күкрәк билгесен тапшырды.