Район җитәкчелегенең чираттагы киңәйтелгән киңәшмәсе

Бүген район җитәкчелегенең чираттагы киңәйтелгән киңәшмәсе үтте.

Утырышта район башлыгы урынбасары Азат Әхмәтҗанов узган атнада районкүләм үткәрелгән чараларны, истәлекле вакыйгаларны искә алды, киләсе атнага төзелгән планнар белән таныштырды.

Яңа вазыйфага билгеләнүчеләр:

Рәмилә Сәләмова – район хакимиятенең матбугат хезмәте җитәкчесе.

Район эчке эшләр бүлеге җитәкчесе Альберт Шакиров мошенниклык очраклары артуын искәртте. Район халкын игътибарлы булырга сорады.

Район Башкарма комитеты җитәкчесе Ирек Салихҗанов 1 апрельдән чисталык икеайлыгы старт алуын ассызыклады.

Мөслим авыл җирлеге Башкарма комитеты җитәкчесе Марат Бәйрханов район үзәгенең чисталыгын саклау эшләрен намус белән башкаручы оешма-предприятие вәкилләренә рәхмәтен җиткерде.