Мөслим-информ

Планшетлар тапшырылды. ФОТОРЕПОРТАЖ

Бүген мондый планшетларны Мөслим районы укучылары да алды.

Татарстан Президенты Рөстәм Миңнеханов күрсәтмәсе буенча күпбалалы һәм аз керемле гаиләләрдәге 9 һәм 11 сыйныф укучыларына  дистанцион уку өчен планшетлар тапшыру башланды. Бүген мондый планшетларны Мөслим районы укучылары да алды. Планшетка Мөслим лицееның 9 укучысы ия булды. Планшетларны укучыларгы район мәгариф идарәсе җитәкчесе Рафаэль Демидов һәм лицей директоры Лилия Хәбибуллина тапшырды. Техник әсбаплар укучыларга дистанцион уку вакытына гына биреп торыла. Гаджетларга мохтаҗ булган укучыларның исемлеге турыдан-туры мәктәпләр аша эшләнгән. Исемлеккә әти-әнисенең баланы дистанцион белем алу өчен гаджет белән тәэмин итү мөмкинлеге булмаган укучылар кертелгән. Районда яшәүче игелекле кешеләр – иганәчеләр һәм лицейны төрле елларда тәмамлаган ярдәмчел затлар тырышлыгы белән лицейның 1-8 классларында укучыларга да смартфон, айфоннар алып бирелгән. Мондый бүләкне 11 бала алган.

Фото – "Мөслим-информ" архивыннан.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: