Мөслимнең 85 еллык юбилеена багышлап 15 км юлны йөгереп уздык

автор, 20 август 2015 - 08:34

2126

20 август көнне спорт сөюче райондашларыбыз Мөслим районының 85, Татарстан республикасы яңа дәүләтчелегенең 25 еллык юбилейларына багышланган марафонга чыкты. Түбән Табын авылыннан алып район үзәгенә кадәрге 15 км озынлыктагы юлны 15 мөслимле узды.

Мөслимнең 85 еллык юбилеена багышлап 15 км юлны йөгереп уздык

Беренчеләрдән булып финиш сызыгын Түбән Табын авылыннан Азат Таһауов, Баланлы авылыннан Мансур Мансуров, Вәрәшбаштан Рөстәм Нуриев, Михайловкадан Юлия Тазова уздылар. Барлык йөгерүчеләргә район яшьләр белән эшләү һәм спорт бүлегенең Рәхмәт хаты, истәлек бүләкләре тапшырылды. Соңыннан чарада катнашучылар "Дуслар-клаб"та әзерләнгән чәй табыны артында хөрмәтләнде.