Юл-транспорт фаҗигаләрен кисәтү максатыннан

Юл-транспорт җәрәхәтләре – олыларны да, балаларны да үлемгә китерүче сәбәпләрнең берсе. Бу хакта җәяүле дә, руль артындагы шофер да онытмаска тиеш. Пушкин -Тукай урамнары киселешендә Мөслим лицее укучылары плакатлар белән чыгып, шоферларга юл кагыйдәләре турында белешмә тараттылар, җәяүлеләргә яктылык кайтаручы элементлар өләштеләр.
Чараны районның ДАИ инспекторлары белән берлектә Мөслим һәм Сарман районнары буенча “Юл иминлеге” дәүләт бюджет учреждениесе җитәкчесе Алсу Ситдыйкова оештырды. 
Чараның максаты -  җәмәгатьчелек игътибарын юл-транспорт травматизмы мәсьәләләренә җәлеп итү, яшьләр катнашындагы юл һәлакәтләрен кисәтү иде. Тик кайбер шоферлар балаларның плакат-листовкаларына битараф булуларын күрсәтте. Чара азагында юл корбаннарын бер минут тынлык белән искә алдылар.
 Лилия Шәймиева фотосы