Хуҗалыклар эшчәнлекләренә бәя алды

Кичә махсус комиссия район басуларында игеннәрнең торышын карады. Агрофирмалар арасында беренче урынны - "Туган як", икенче урынны - "Урожай" агрофирмасы алды. "Ык" агрофирмасы өченче урында калды.

Эре крестьян-фермер хуҗалыклары арасында "Исламов" фермер хуҗалыгына тиңнәр булмады. Икенче урын "Авзалов" хуҗалыгына бирелде. Өченче урынны "Әюпов" һәм "Нуретдинов" фермер хуҗалыклары бүлеште. Вак фермер хуҗалыклары арасында җиңүче итеп Сарман аграр көллиятенең Мөслимдәге тәҗрибә участогы билгеләнде.

Азык әзерләү техникасын әзерләү буенча районда беренче урын алган "Туган як" агрофирмасы директоры Тимерхан Миргаязовка район авыл хуҗалыгы һәм азык-төлек идарәсенең Мактау грамотасы тапшырылды.