Фестиваль ярминкәсе

II Бөтенроссия "Каз өмәсе" фестиваленең икенче көне бәйрәм ярминкәсе белән дәвам итте.

Ярминкә, тематик уеннар, ярышлар, милли ризыклар, җырлар һәм биюләр – барысы да бәйрәм кунаклары өчен. "Каз өмәсе" театральләштерелгән тамаша көннең бизәге булды. Мәйданчыкта дуслык, бердәмлек атмосферасы хөкем сөрде. Ярышлар, уеннар берсе икенчесенә караганда да кызыграк узды.

Бөтендөнья татар конгрессына традицияләрне яңадан торгызу өстендә зур эш алып барганнары өчен рәхмәт белдерәбез. Барлык мөслимлеләргә куйган хезмәтләре өчен чын күңелдән рәхмәтлебез, - диде оештыручылар.

Фотолар - матбугат хезмәте архивыннан