Мөслим-информ

Бүген - җирле үзидарәләр көне

Бүген район буенча әлеге рейтингта Иске Карамалы, Октябрь, Тойгелде, Олы Чакмак авыл җирлекләре әйдәп бара. Һәр авыл җирлегенең үз традицияләре, үз күрсәткечләре бар.

2013 елдан башлап, 21 апрель көнне Россия Федерациясендә җирле үзидарәләр көне билгеләп үтелә. Әлеге көннең барлыкка килүе юкка гына түгел. Нәкъ менә шушы көнне җирле үзидарәләр өлкәсендә эшләүчеләрне, авыл җирлекләрендә уңай тормыш-көнкүреш шартлары тудыручы, турыдан-туры җирлек халкының проблемаларын хәл итүчеләрне искә алабыз, аларны хөрмәтлибез. Халык белән эшләү, җитәкчелек итү беркайчан да җиңел булмаган. Ә бүгенге хәбәрдарлык, хокукый үзгәреш чорында җитәкче кешегә белемле һәм көчле оештыручы, оста психолог һәм идарәче булу, та¬гын башка бик күп сәләтләргә ия булырга кирәк. Элекке елларда халык гозер яки йомыш белән кол¬хоз идарәсенә барса, бүген нинди генә проблема туса да, авыл җирлеге башлыгына мөрәҗәгать итә. Шуңа күрә дә җирле үзидарәләр системасында эшләү зур җаваплылык таләп итә. Районыбызда бүген 19 авыл җирлеге исәпләнә. Аларда 40тан артык хезмәткәр эшли. Соңгы елларда авыл җирлекләре эшчәнлеген бәяләү 12 юнәлешне үз эченә алган рейтинг нигезендә алып барыла. Бүген район буенча әлеге рейтингта Иске Карамалы, Октябрь, Тойгелде, Олы Чакмак авыл җирлекләре әйдәп бара. Һәр авыл җирлегенең үз традицияләре, үз күрсәткечләре бар.

Нравится
Поделиться:
Реклама
Реклама
Комментарии (0)
Осталось символов: