Табиб киңәшләре

Алсу Таишева, поликлиника табибы:

– Иң беренче чиратта ашауны контрольдә тотарга кирәк. Майлы, майонезлы ризыкларны чама белән кулланыгыз. Бәйрәмнән соң шактый кеше ашказаны асты бизе ялкынсынып, ягъни панкреатит белән авырып мөрәҗәгать итә. Алькогольле эчемлекләрне дә чамадан тыш куллану аяныч хәлләргә китерергә мөмкин. Телевизор каршыннан торып китәргә үзегездә көч табыгыз. Балалар белән бергә чана, чаңгы, тимераякта йөрегез, һич булмаса, җәяү атлагыз. Кискен тын юллары авырулары таралу сезоны булганга, кеше күпләп җыелган урыннардан читтә булырга тырышыгыз, үзегезне саклар өчен маска кияргә киңәш ителә. 

Фото - "Мөслим-информ" архивыннан