Бу көнне Мөслимдә!

28 сентябрь

Карабодай яна

Киров исемендәге колхозның Вәрәшбаш бригадасы ындыр табагында күргәннәр шаккатмалы: биредә тупланган 500-800 центнер чамасы карабодай, солы һәм бодай өемнәре янып, алардан пар чыгып ята. Тирә-юньгә таралган ис тынга каплана. Өч-дүрт хатын-кыз бодайны сортларга аеру белән мәшгуль, ә менә карабодайга игътибар итүче дә юк. Ашлыкны җилләтмиләр, киптермиләр. Көннең инде яртысы үтүгә карамастан, биредә бер генә җан иясе дә күренми. Хәтта чыпчыклар да очып килмәгән. Бункерга өч-дүрт машина карабодай бушатылган булган. Ә бер битарафы йөген хәтта бункерга да китереп җиткерә алмаган, җиргә аударган.

И. Павлов, Вәрәшбаш авылы.

Фото – Мөслим-информ архивыннан