Бу көнне

1989 ел, 30 апрель

Эштә уңган, өйдә өлгер

Баланлы авылының элемтә бүлеген җиде ел элек Казан элемтә училищесын яңа гына тәмамлап кайткан Римма кабул итеп алган иде. Тиз арада халык белән дә уртак тел тапты, эшенә дә тиз төшенде. Вакытлы матбугатка язылу оешканлык белән уза. Быел, мәсәлән, авылыбыз кешеләренә 9000 сумлык газета-журнал килә. Римма тормышын авылыбызның тырыш механизаторы белән бәйләде. Килен буларак та үзен тыйнак, өлкәннәргә игелекле итеп танытты. Хәзер инде Римма ике бала анасы. Өендә өлгер, үрнәк ана ул, эшендә дә сыната торган түгел. Әнә шуңа күрә дә Римма Камаеваны авылдашлары ярата, ихтирам итә.

Н.Батырова. Баланны авылы.