Бу көнне

1989 ел, 20 апрель

Чисталык айлыгы

Халык депутатларының район Советы башкарма комитеты, поселок һәм авыллар территорияләренең санитария хәлен яхшырту максатыннан чыгып 15 апрельдән 15 майга кадәр айлык игълан итте. Бу чорда оешма-предприятиеләрнең транспортын файдаланырга, район халкының күпләп катнашуына ирешергә, дигән максат куелды. Һәр торак пунктта чүп-чар һәм кышкы калдыкларны түгү урыны билгеләргә, су чыганакларын һәм су алу колонкаларын тәртипкә китерергә кушылды. “Авыл утлары” газетасы редакциясенә һәм аның радиотапшырулар бүлегенә эшчеләр поселогын һәм авыл торак пунктларын санитар чистарту буенча айлык барышын яктырту йөкләнде.