1973 ел вакыйгалары

1973 ел

13 февраль

Эшче һәм авыл хәбәрчеләренең район сле­ты

10 февральдә эшче һәм авыл хәбәрчеләренең район слеты узды. Анда “Авыл ут­лары” газетасы редакторы Ф.Садриев “1973 елгы план- заданиеләрне һәм социали­стик йөкләмәләрне үтәүдә район матбугатының роле турында” доклад белән чык­ты. Редакция каршындагы хәбәрчеләр советы һәм штат­тан тыш бүлекләр составы рас­ланды. Иң яхшы хәбәрчеләргә, матбугат таратучыларга таны­клыклар, кыйммәтле бүләкләр тапшырылды. Слетта стена га­зеталарына конкурс уздырыл­ды.

Стартка, мәргәннәр!

“Авыл утлары” газетасы призына ату ярышларыүткәрү матур гадәткә әверелде. Был­тыр мәргәннәр ярышын­да 43 командага берләшкән 192 спортчы катнаш­ты. Район культура бүлеге хезмәткәре Л.Минһаҗева, КПСС райкомы работнигы К.Кондратьева, бертуган Ти­мербай һәм Таһир Галиевлар шәхси беренчелеккә ярыш­ларда матур күрсәткечләргә ирешәләр. Быелгы ату ярыш­лары Совет Армиясенең 55 ел­лыгына багышлана.

В.Кондратьев, ДОСААФның район комитеты председателе.

15 февраль

Киң колач белән

“Авангард” колхозы хезмәтчәннәре язгы кыр эшләренә хәзерлекне киң җәелдерделәр. Кар тоту кызу темплар белән бара. Бу эштә сигез трактор катнаша. Кар тоту икенче катка башланды. Көл, кош тизәге җыйнау буен­ча махсус звено оештырылды. Аларга Шуран сигезьеллык мәктәбе укучылары да булы­ша. 115 центнер көл, 234 цент­нер кош тизәге җыйналды.

С.Фәтхиев.

20 февраль

Яңа чемпионнар

Совет Армиясенең 55 ел­лыгына багышлап үткәрелгән “Авыл утлары” газетасы при­зына ату ярышларында 36 ко­манда һәм 160 якын спортчы катнашты. Дилбәр Вильдано­ва – беренче, К.Кондратьева – икенче, Л.Минһаҗева өченче урында. Ирләр ара­сында М.Зәйнуллин җиңде. А.Выборнов – икенче, “Аван­гард” колхозыннан П.Петров өченче булды. Командалар арасында КПСС райкомы спортчылары пьедесталның югары баскычына басты. Мөслим Һәм Симәк урта мәктәпләре командалары – икенче-өченче урыннарда.

Х.Алмаз.

Сәхифәне Мөнирә Арсланова әзерләде.