Мөслим командасы - беренче урында

3 октябрьдә Минзәлә шәһәрендә «ГТО Җәйге фестиваль» республика зона ярышлары узды. Мөслим муниципаль районының 14 катнашучыдан торган җыелма командасы әлеге ярышларда уңышлы  чыгыш ясап, 1 урынны яулады. Ярышлар барышында  спортчылар 30, 60 метрлы кыска дистанцияләргә, 1,2,3 километрлы озын дистанцияләргә йөгерделәр, шулай ук алга иелү, урыннан озынлыкка сикерү, туп ыргыту, 500 һәм 700 граммлы гранаталар ыргыттылар. Команда гомумән 5040 балл җыйды, 2 урында 4863 балл туплап  Актаныш районы спортчылары, өченче урында Минзәлә шәһәре командасы - 4694 балл, дүртенче урында Тукай районы катнашучылары 3476 балл белән.

Мөслим районы командасы тренеры - Расил Фәттахов

Фото - спорт мәктәбеннән