Мөслим лицее укучылары фестивальдә катнашты

- 1 нче декабрь көнне Минзәлә татар дәүләт драма театры бинасында шагыйрә Гөлшат Зәйнашевага багышланган X республика фестиваленең гала-концерты узды.
Фестивальдә Минзәлә, Мөслим, Актаныш, Сарман, Тукай, Саба, Мамадыш районнарыннан килгән балалар һәм өлкәннәр шагыйрәнең шигырьләрен сөйләделәр, җырларын башкардылар, әсәрләрен сәхнәләштерделәр.
Мөслим лицееның 3б сыйныфы укучысы Ясминә Шәмсетдинова (җитәкчесе Светлана Иванова ) нәфис сүз номинациясендә 1 нче дәрәҗә диплом белән бүләкләнде. Финал өлешендә чыгыш ясаучы 1 нче сыйныф укучысы Илиза Мөҗиповага, 9 нчы сыйныф укучысы Илназ Муллагалиевка "Җыр" номинациясендә 1 нче дәрәҗә диплом һәм махсус бүләкләр тапшырылды. Укучыларның җитәкчеләре- Лилия ЗаяноваТатарстан Республикасы мәдәният министрлыгының рәхмәт хаты белән бүләкләнде, - дип хәбәр итәләр мәгариф идарәсеннән

Фото - мәгариф идарәсеннән