Май ае бай һәм бик истәлекле булды

Май ае минем өчен чараларга бай һәм бик истәлекле булды. Мөслимдә узган Җиңү бәйрәмендә катнаштым, Олы Чакмак һәм Шуганка авылларындагы бик матур музейларны карап кайттык. Үзебезнең районда да истәлекле матур урыннар бик күп икән! Азнакайдагы Чатыр-тауны да күрергә насыйп булды. Азнакайдагы туганнарыма Коръән ашына барган идек. Аштан соң барыбыз бергә Чатыр-тауга бардык. Аны күптән күрәсем килеп йөри иде. Аллага шөкер, хыялым тормышка ашты. Чатыр-тауга 134 баскыч аша мендек. Бик матур экскурсия булды ул. Биеклектән тирә-юнебезнең матурлыгын күреп сокландык. Мондый матур урыннарны киләсе елларда да күрергә язсын! Иң мөһиме: илләр – тыныч, күкләр – аяз, җәйләр матур булсын!

Мөҗәһидан Мортазин,
Исәнсеф авылы

Фото - "Татар-информ" архивыннан