Бәрәңге алдык

– Үткән ел бәрәңгедән юньле-башлы уңыш ала алмадык. Елы шундый булгач (хәтерлисездер, узган ел корылык хакимлек итте), кая барасың?! Кыш буе бәрәңгене сатып алып ашадык. Күпләр орлык бәрәңгесен дә сатып алды, дип беләм. Вак бәрәңгене дә кулландык! Кадере артты бит бәрәңгенең! Быел бәрәңгене бик кадерләп үстердек. Уңыш начар булмады. Мактанырлык та түгел. Кибеттән бәрәңгегә дип ашлама алган идем. Кызык өчен дип, бәрәңгене ашлама сибеп (дөресрәге, чокырга салып) утырттык. Ходайның рәхмәте, ашлама белән үстергән бәрәңгенең уңышы бермә-бер күп! Шунысы бар: ике төрле ашлама кулландым, әмма берсенең генә тәэсире көчле булган. Нинди ашлама алганымны һәм кайсы буразнага нинди ашлама салганымны язып та куймаганмын ичмаса.

Нәзифә Шәкүрова, Мөслим

Фото ru.freepik.com