Тукландыру дөрес оештырыламы?

Җитәкчелек кенә түгел, ә төрле контроль-күзәтчелек органнары да балаларның туклануын, ризыкларның сыйфатлы булуын һәрдаим тикшереп торалар. Бик еш булмаса да, башка төбәкләрдә балаларның бакчада яисә мәктәптә агулану очраклары хакында ишетергә туры килә. Район контроль-хисап палатасы рәисе Лилия Срурова белән шулар хакында сөйләштек.

– Лилия Рәисовна, районда белем бирү учреждениеләрен продукция белән тәэмин итү ничек оештырылган?

– Бүген Мөслим районында 30 белем бирү учреждениесе эшли. Мәктәпкәчә белем бирү учреждениеләрендә туклануны оештыру “Граф-плюс”  җаваплылыгы чикләнгән җәмгыяте тарафыннан гамәлгә ашырыла.

– Тикшерүләр барышында нәрсәләргә игътибар итәсез?

– Ел башыннан алып, бүгенге көнгә кадәр барлыгы 9 мәгариф учреждениесендә булырга өлгердек. Тикшерү барышында технологик карталарга, аш әзерләү картасына, бердәм меню буенча пешерү, азык-төлекнең накладнойлары, әзер продуктларның бракераж журналы, продукциянең факттагы авырлыгына аерым игътибар бирелде.  Туклануны оештыру өчен җаваплылар билгеләнгән һәм белем бирү учреждениесендә тәрбияләнүчеләрнең туклану графигы төзелгән.

Фәридә Гайнетдинова

Фото - Л.Срурованың шәхси архивыннан

Тулырак "Авыл утлары" газетасының  2023 ел 1 декабрь санында укыгыз.