Лицейлар конкурста җиңү яулаган

Актаныш районының мәдәният йортында “Тату сыйныф серләре” республика конкурсының зона туры үтте. Биш команда арасыннан Мөслим лицееның 7 Б сыйныфы укучылары әти-әниләре белән берлектә җиңү яуладылар. Патриотик-тәрбия юнәлешендә ясалган “Гаилә, мәктәп, балалар бердәмлеге” исемле сыйныф күргәзмәсе, визитка һәм проектка жюри иң югары балл бирде. Җиңүче тату сыйныф җитәкчесе – Ильмира Гыймранова.

Лицей укучылары март ахырында Казан һәм Яр Чаллы шәһәрләрендә үтәчәк чираттагы зона турына әзерләнә.

Фото -  Мөслим лиценнан