Кадрлар резервы стажерлары яшьләр белән очрашты

ТР Рәисе кадрлар резервы стажерлары Мөслим яшьләре белән очрашты.

Стажерлар үзләренең уңышка китергән юллары белән уртаклаштылар. Тырышлык, үҗәтлек һәм үз-үзеңә максат кую, уңышка ышануның бик зур көчкә ия булуы турында сөйләделәр. Авырлыкларны җиңеп һәрвакыт алга таба атларга, югалып калмаска өндәделәр.

Кунаклар Мөслим районына, халкыбызга соклануларын белдерделәр. "Ачык йөзле, дустанә, тырыш булганга күрә районыгыз да балкып тора",- диде алар. Стажерлар очрашуда катнашучыларга интерактив уеннар да әзерләгәннәр иде. Иң активлар һәм үҗәтләр, максатчаннар бүләкләргә лаек булды.

Фото - администрациянең матбугат хезмәте архивыннан