Алданмагыз, мошенниклар корбаны булмагыз!

“Мошенниклар халыкны алдауның яңа ысулларын уйлап табып кына торалар. Банк картасына таныш булмаган кешедән акча килсә, сөенергә ашыкмагыз, бу акча күп проблемалар китерергә мөмкин. “Ялгыш акча күчергәнмен, кире миңа күчерегез әле” дип шалтыратучылар шул рәвешле сезнең банк картасы турында мәгълүматны беләчәк. Телефондагы баланска “ялгыш” килгән акчаларны да шалтыратып әйткән номер буенча күчермәгез. Телефонга акча ялгыш салынса, оператор аны сезнең катнаштан башка да кирәкле номерга күчерә ала. Алданмагыз, мошенниклар корбаны булмагыз!” – ди район эчке эшләр легенең уголовный розыск бүлеге җитәкчесе Булат Замалиев.

Фото "Татар-информ" архивыннан.