Котлыйбыз!

Метрәй авылында гомер итүче хезмәт ветераны Әхмәтова Гөлфирә Тәлгать кызы бүген үзенең 70 яшьлек юбилеен билгеләп үтте. Юбилярны күркәм бәйрәме белән Метрәй авыл җирлеге башлыгы вазифаларын вакытлыча башкаручы Илдус Шәмгунов тәбрик итеп, райондашыбызга ТР Президентының рәхмәт хатын, күчтәнәч пакеты тапшырды.

Үзен белә белгәннән бирле Калинин исемендәге колхозда сыер савучы булып эшләгән Гөлфирә апа тормыш иптәше Мәлик белән биш бала үстергәннәр, туып үскән җирләренә тугры булып гомер кичергәннәр.
50 яшендә тол калган Гөлфирә апа бүген төпчек улы Альфир гаиләсе тәрбиясендә яши.