Мөслим мөгаллиме Россиянең 250 иң яхшы физкультура укытучысы исемлегенә керде

Россия футбол берлеге педагоглар өчен "Магнит футбола" исемле һөнәри бәйге нәтиҗәләрен игълан итте. Татарстаннан әлеге бәйгедә 2024-2025 уку елы дәвамында "Мәктәптә футбол" проектын тормышка ашырган 30 укытучы катнашты. Җиңүчеләр һәм призерлар арасында Татарстан Республикасыннан 4 укытучы бар.

Г.Тукай исемендәге Мөслим урта мәктәбенең физкультура укытучысы Эльмир Айгилдин - шуларның берсе. Ул Россиянең 250 иң яхшы физкультура укытучысы һәм өстәмә белем бирү педагогы исемлегенә керде. Мөгаллим нәтиҗәле хезмәте өчен 35 мең сум күләмендә акчалата бүләк алачак.

Фото - Мөслим урта мәктәбе архивыннан.