Ел укучысы
Г. Тукай исемендәге Мөслим урта мәктәбендә “Ел укучысы” бәйгесенең финалы узды. Бәйгедә район мәктәпләренең 4 сыйныфында укучы 11 егет-кыз көч сынашты.
Иң элек катнашучылар үзләре белән таныштырды. Укучылар арасында сүз осталары, төрле уен коралларында уйнаучылар, кул эшләрен үз итүчеләр шактый иде.
– Бәйгедә катнашучылар төрле сынаулар үтте. Шунысын да әйтергә кирәк: егет-кызларның һәркайсы “Ел укучысы” исеменә лаек. Балаларны бәйгегә әзерләүче башлангыч сыйныф укытучыларын чиксез хөрмәт итәм, – ди мәгариф идарәсе методисты Илмира Харитонова.
– Бәйге бик күңелле үтте. Мин үземне сынауда дип хис итмәдем. Иң ошаган этап – “кара тартма” булды. Оештыручылар безгә тартмага яшерелгән җисем турында табышмак әйтте, без җавапны язмача бирергә тиеш идек. Көндәшләрем бик зирәк, шуңа күрә бәйге дә кызыклы, – ди Метрәй мәктәбе укучысы Рүзәл Шәрифуллин.
Рәмилә Сәләмова
Рәмилә Сәләмова фотосы.
Тулырак "Авыл утлары" газетасының 2024 ел, 9 февраль санында укыгыз.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев