Бөтенроссия форумында катнаштылар
Мөслим гимназиясе һәм Баланлы төп гомуми белем бирү мәктәбе укучылары Түбән Кама шәһәрендә уздырылган Бөтенроссия форумында чыгыш ясадылар.
15 февраль көнне Түбән Кама шәһәренең Муса Җәлил исемендәге 1 нче гимназиясендә "Сөй гомерне, сөй халыкны, сөй халыкның дөньясын" дип исемләнгән Бөтенроссия форумы узды.
"Анда Мөслим районыннан 3 укучы һәм 2 укытучы катнашып, авыл тарихы, районның күренекле кешеләре турында фәнни-тикшеренү эшләре белән чыгыш ясадылар. Баланлы мәктәбенең 9 сыйныф укучысы Динә Газымова һәм Мөслим гимназиясенең 7 сыйныфында белем алучы Айназ Галимова 1 урынны яуладылар. Гимназиянең 4 сыйныф укучысы Асылъяр Хәсәнова лауреат дипломына ия булды", - дип хәбәр итә безгә Миләүшә Хәсәнова.
Укучыларның фәнни җитәкчеләре - Ирина Латыйпова, Миләүшә Хәсәнова, Гүзәл Газымова.
Фотолар - Миләүшә Хәсәновадан.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев